IZRAEL- Dy reperë izraelitë kanë kërkuar vrasjen e këngëtares Dua Lipa dhe modeles Bella Hadid në një këngë që është bërë kolona jozyrtare e luftës në Gaza. Videoklipi për këngën "Harbu Darbu", një këngë stërvitore me tekste militariste, ka mbledhur mbi 18 milionë shikime në YouTube që nga publikimi i saj në nëntor - dyfishi i popullsisë së Izraelit. Hiti në gjuhën hebraike arrin kulmin me një sekuencë në të cilën yjet e popit izraelit Ness dhe Stilla këndojnë një listë emrash që duhen vrarë, pasi i bëjnë përgjegjës për sulmet e 7 tetorit.
“Çdo qen do të marrë atë që meriton,”- thonë reperët duke iu referuar Hassan Nasrallah, liderit të Hezbollahut, Mohammed Deif, kreut të brigadave Al-Qassam të Hamasit dhe Ismail Haniyeh, kryetarit të krahut politik të Hamasit. Më pas, përmendin emrat e personazheve të njohur që kanë dalë kundër luftës.; mes tyre ishte Dua Lipa, këngëtarja shqiptare; Bella Hadid, supermodelja palestinezo-amerikane; dhe Mia Khalifa, ish-ylli porno libanezo-amerikan.
"Çdo qen do të marrë atë që e meriton,"-përsërisin reperët.
Khalifa është përgjigjur duke u tallur nga izraelitët, ndërsa Dor Soroker, i njohur si Stilla, një ish-i varur nga kanabisi ka mbrojtur tekstin, duke dyfishuar të drejtën e izraelitëve për të kritikuar Dua Lipën dhe Hadidin, të cilat kanë bërë thirrje për një armëpushim.
"Ato nuk po mbajnë armë fizikisht, por fjalët e tyre janë shumë të fuqishme. Përhapja e gënjeshtrave është e rrezikshme. Dhe çfarë nëse lajmet e tyre të rreme frymëzojnë njerëzit të vrasin hebrenjtë? Është shumë e ngjashme me atë që Nasrallah bën në fjalimet e tij,”-tha ai.
Kënga është bërë virale në YouTube dhe TikTok ku muzika është vendosur në sfodin e pamjeve të trupave të IDF (ushtrisë izraelite)./ZËRI
