TIRANË-Këngëtari dhe fituesi i “Big Brother VIP 2”, Luiz Ejlli teksa ditën e sotme është shtyrë sërish seanca ndaj tij në ambientet e Gjykatës së Fierit, ka publikuar një video teksa i jep një makine të Policisë së Shtetit.
Video e tij shihet si një përgjigje kundrejt lajmeve se nuk i ka mbyllur problemet me drejtësinë. Këngëtari ka postuar në ‘Insta story’ në video ku i afrohet një makine në të cilën shkruan, “Policia e Shtetit”, hipën dhe largohet.
Prej datës 26 dhjetor 2022 Luiz Ejlli zyrtarisht është person i dyshuar për veprën penale të falsifikimit të dokumenteve kryer në bashkëpunim. Drejtësia e akuzon Ejllin se me profesionin e noterit ai ka falsifikuar deklaratë noteriale për të justifikuar paratë e një personi që ishte në hetim. Kjo histori nis në vitin 2021 aty ku prokuroria do të kërkonte sekuestrot e pasurive të shtetasit F.A., si të pajustifikuara me burime të ligjshme.
-
Rrezikon deri në 4 vite burg, shtyhet sërish seanca për Luiz Ejllin
26 Shkurt, 11:00
Lidhur me këto akuza nuk ka ende një reagim zyrtar nga këngëtari për t’i konfirmuar apo hedhur poshtë, dhe mesa duket me videon e sotme ai ka zgjedhur një mënyrë tjetër të kthejë përgjigje./ZËRI
