TIRANË- Dita e Krishtlindjes u kthye në një ditë zie për familjen Gjoni për shkak të ndarjes nga jeta të motrës së madhe të familjes. Ilda Gjoni, motra dhe Ingritit dhe Inisit, si dhe nëna e aktores Anna Lika ka mbyllur sytë përgjithmonë.
Në reagimin e parë në rrjetet sociale për humbjen e madhe Anna bëri një dedikim rrëqethës, duke shkruar: "Më këpute shpirtin moj mami! Dua të jetë një ëndërr e keqe. Nuk e di a ta thash dot mjaftueshëm që të dua. Të mori Zoti në ditën më të shenjtë që ti të jesh engjëlli jonë. "Ne" përgjithmonë!"
Mbrëmjen e djeshme ajo ka publikuar foton e fundit të së ëmës, shkrepur në shtëpi me djalin dhe partnerin, ndërsa i premton se nuk do të jenë kurrë me lot në sy, por do të buzëqeshin, njësoj si premtimi që i kanë dhënë nënës së tyre.
“Mami im, e bukura ime! Kjo ishte foto e fundit e jotja qe ti nuk arrite ta postoje dot per Krishtlindje se zoti te donte aq shume sa ne kete dite te mori pran tij. E di qe ti do jesh gjithmon duke na par nga atje lart dhe te premtoj qe sdo na shohesh kurr me lot ne sy por vetem te buzeqeshur ashtu sic ishe dhe ti deri ne momentet e fundit. Une, Viki dhe Rodeo jemi krenar per nenen qe ke qen per ne. Nuk do kisha dashur kurr te beja kete postim per ty. Do me mungosh cdo dite e bukura ime!”, shkruan Ana në postimin e saj prekës në rrjetet sociale.
Përcjellja për në banesën e fundit e Ilda Gjonit do të bëhet gjatë ditës së nesërme në Tiranë./ZËRI
