TIRANË- Një deklaratë e bërë pak ditë më parë nga aktori i humorit në Kosovë, Osman Azemi, se shqiptarët e Shqipërisë janë ziliqarë me përfaqësues të artit apo sportit të Kosovës, ka shkaktuar dhjetra reagime në rrjetet sociale. Mes atyre që ka bërë një reagim të ashpër ndaj tij është dhe reperi Noizy, i cili përmes në rrjeteve sociale ironizon me emrin e aktorit.
“Kjo video shkon për Osman Agaun, o aga, ndërroje mallin o aga, merre pak më të butë. Nuk e ka zili vëllau vëllaun o aga. O Osman ndërroje mallin, ndërroje dhe emrin, ahahaha, o budallë i gjallë”, shprehet Noizy në një video që ka postuar në rrjetet sociale.
Azemi ka bërë një reagim të dytë gjatë ditës së djeshme në rrjetet sociale, pas emisionit në Klan Kosova, i cili shkaktoi furtunë reagimesh.
Reagimi i aktorit:
Sqarim rreth keqkuptimeve pas emisionit në Klan Kosova
1. Jam i indinjuar që Federata Shqiptare e Futbollit pretendon të mbaj një kampionat ndërkombëtar bashkë me Serbinë.
2. Jam i indinjuar që angazhohet një trajner serb në një klub elitar shqiptar.
3. Jam i indinjuar nga rampa e 5 eurove, e vendosur pikërisht në venën kryesore që e lidh Kosovën me Shqipërinë.
Për shkak të këtij indjimi edhe mund të jem shprehur përtej asaj që në të vërtet e ndjej:
1. Jam për Bashkim Kombëtar ashtu siq kanë qenë, janë dhe do të jenë të gjithë shqiptarët.
2. Me plazhë të Shqipnisë s’ka.
3. Me Valbonë s’ka.
4. Me Bjeshkë të Nemuna s’ka
5. Me suxhuk të Gjakovës s’ka.
5. a. Edhe i Pejës asht i mirë.
6. Nuk më pëlqen speci i djegst dhe hudrat e Kinës.
Shnet e dashni për të gjithë!/ZËRI
