SPANJË- Bota e Joan Monfort është kthyer përmbys. Fotografi nga Barcelona ka mbuluar ngjarjet sportive në Spanjë për më shumë se 30 vjet, por një fotosesion që ai bëri në vitin 2007 është rishfaqur së fundmi, duke e kthyer atë në një superyll global. Monfort ishte fotografi që kapi 20-vjeçarin e atëhershëm Lionel Messi duke mbajtur një fëmijë, si pjesë e një fotosesioni për UNICEF-in dhe Barcelonën.
Foshnja në fjalë është adoleshenti superyll i Barcelonës dhe Spanjës, Lamine Yamal, i cili mbushi 17 vjeç më 13 korrik. Yamal ka qenë lojtari më i mirë në Euro 2024, duke u kthyer në talentin më të ri të botës së futbollit.
"Unë jam thjesht duke jetuar në një ëndërr,"-i tha Monfort-Don Riddell të CNN.
Fotot e Messit duke mbajtur Yamalin tërhoqën vëmendjen e botës kur babai i tij postoi një foto në llogarinë e tij në Instagram duke e shoqëruar me mbishkrimin: Fillimi i dy legjendave.
Më pas në fillim të korrikut, Monfort mori një telefonatë të papritur.
“Një koleg i gazetës, SPORT, më telefonoi në orën 12 të natës dhe më tha: “Kjo është fotografia jote?. Dhe unë u përgjigja: 'Po, kjo është fotografia ime. Unë e bëra këtë foto vite më parë. Dhe pyeta: 'Kush është foshnja?' Dhe ai [më tha] i rrituri është Lionel Messi, natyrisht. Dhe foshnja tjetër është Lamine Yamal.”
Para telefonatës, Monfort pranon se e kishte harruar foton dhe se nuk e dinte se kush ishte foshnja që kishte fotografuar me Messin, duke shpjeguar se fotosesioni erdhi si pjesë e një projekti për mbledhjen e fondeve për UNICEF. Disa vite më parë, fotosesioni kishte përfshirë superyllin e Barcelonës dhe Brazilit, Ronaldinhon duke pozuar për foto me vajzën e Monfort, Jana.
Monfort kujton se familja e Yamal fitoi një lotari për të marrë pjesë në fotosesion për shkak të “problemeve ekonomike” që kishin. Gjatë sesionit fotografik, Monfort kujton se Messi ishte "shumë i turpshëm" por "shumë profesionist" teksa pozonte me Yamal. Por gjithashtu shton se është "krenar" për foton pasi është moment që kapet "një në një miliard"./ZËRI
