TIRANË- Emra të njohur pritet që ti bashkohen këtë vit festivalit të këngës në Radio Televizionin Shqiptar, mes tyre dhe i shumëpërfoluri Luiz Ejlli, i cili do të tentojë të përsërisë suksesin e disa viteve më parë, kur u shpall fitues dhe përfaqësoi Shqipërinë në Eurosong, me këngën “Zjarr e Ftohtë”.
Festivali i Këngës ka këtë vit edicionin e 62-të të tij, ndërkohë që deri tani kemi mësuar zyrtarishtr emrat e prezantuesve, që do të jenë Almeda Abazi dhe Xhani Shqerra.
Por sipas Kryefjala.com, në ‘tryezën’ e festivalit të rëndësishëm të këngës kemi edhe emrat e artistëve që do të konkurrojnë.
E para që përflitet është Vesa Luma që do të vijë me një bashkëpunim me bashkëshortin e saj, reperin Big Bastal, pas vendimit të tyre për të lënë Zelandën e Re dhe për të jetuar përfundimisht në Shqipëri.
Ndërsa disa të tjerë që përfliten se do të jenë pjesë e kompeticionit, janë Ardit Çuni, Vesa Smolica, Blerina Braka, Erma Mici dhe Luiz Ejlli. Fituesi i çmimit do të përfaqësojë Shqipërinë në Eurovisionoin që do të mbahet pranverën e vitit të ardhshëm në Suedi.
