BEOGRAD- Tenisti serb, ndër më të mirët në botë, Novak Djokoviç komentoi në rrjetet e tij sociale ndeshjen mes Shqipërisë dhe Serbisë, e cila u luajt në Tiranë. Në rrjetet e tij sociale, ai i përgëzoi lojtarët e dy vendeve për sjelljet që patën në fushë. Ai ndau pamje nga fusha e blertë dhe i shoqëroi me një urim për të dyja skuadrat, duke lëvduar "fair play".
"Respekti dhe loja e ndershme janë gjithmonë një opsion. Urime të dyja ekipeve për sjelljen e tyre,"-shkroi Novak Djokoviç.
Djokoviç ndau tre foto, në të cilat Strahinja Eraković dhe Daku përshëndesin njëri-tjetrin, Berat Gjimshiti ndihmoi Dušan Vlahović-in dhe Andrija Živković pozoi krah më krah me trajnerin e Shqipërisë, Silvinjo. Fair play është gjithmonë e mirëpritur. Edhe nga Djokoviç, i cili është i njohur për deklaratat e tij nacionaliste, ku shpesh herë është shprehur se Kosova është pjesë e Serbisë./ZËRI
