SHBA- Miley Cyrus ka folur hapur për marrëdhënien e saj të komplikuar me babain e saj, Billy Ray Cyrus. Gjatë një interviste me David Letterman për episodin e ri të serialit të Netflix "My Next Guest Needs No Introduction", këngëtarja fituese e Grammy foli për gjërat e mira dhe të këqija që mori nga babai i saj.
"Ai ka qenë njeri me bazament dhe në kontakt me realitetin, madje edhe kur ishte super i famshëm. Unë kam trashëguar narcisizmin nga babai im,"-tha ylli 31-vjeçar i popit për babain e saj, i cili u bë i famshëm në vend me hitin "Achy Breaky Heart" në 1992.
E pyetur për të krahasuar se si prindërit e saj kontribuan në sukseset e saj aktuale, Cyrus këmbënguli se ata ishin të ndryshëm.
"Pa babanë tim jo vetëm që nuk do të isha ulur në këtë karrige, nuk do të isha kjo që jam . Sepse babai im, si krijues dhe si artist me mënyrën se si funksionon truri i tij, më ka bërë gjithmonë të ndihem më i sigurt në mendjen time, sepse ne jemi shumë të ngjashëm në idetë tona. Ndërsa nëna ime është heroina ime,"-tha ajo.
Komentet e saj vijnë mes një përçarjeje të përfolur familjare që thuhet se filloi menjëherë pasi Tish, 57 vjeç, paraqiti kërkesë për divorc nga Billy Ray në prill 2022. Tish që u martua me Dominic Purcell në gusht 2023. Ndërkohë, Billy Ray u martua me këngëtaren Firerose në tetor 2023. Në mes të divorcit të prindërve të tyre, vëllezërit e motrat e Cyrus ishin duke mbajtur krahë. Miley, Brandi dhe Trace ishin të gjithë në dasmën e Tish, por Bresson dhe Noah nuk ishin të pranishëm. Qartazi mbështesin të atin e tyre./ZËRI
