SHBA- Darius Jackson ka akuzuar ish-të dashurën, aktoren Keke Palmer për abuzim, në përgjigje të akuzave të saj për dhunë në familje. Në një kundërpadi të paraqitur të premten në mëngjes në Gjykatën e Lartë të Qarkut të Los Anxhelosit, ish-futbollisti pretendon se ajo përfshihej në mënyrë të përsëritur në sjellje abuzive dhe gjatë marrëdhënies së tyre, veproi si agresore. Palmer, 30, dhe Jackson, 29 vjeç, kanë një djalë 9-muajsh të quajtur Leodis Andrellton.
Në qendër të kundërpadisë së Jackson janë disa incidente që datojnë që nga data 20 gusht 2021 deri më 12 mars 2023. Ai pretendoi në dosje se Palmer abuzonte verbalisht dhe fizikisht dhe shpesh ishte e shqetësuar dhe agresive pas konsumimit të alkoolit. Ndër pretendimet e tij, Jackson tha se aktorja e goditi në fytyrë në një festë ditëlindjeje në gusht 2021, grushtoi xhamin e përparmë të makinës së tij, ndërsa po i jepte mjetit në janar 2022 dhe se e sulmoi fizikisht në shtëpinë e saj në Los Anxhelos më 28 shkurt 2022.
Jackson gjithashtu pretendoi se më 12 mars të këtij viti, Palmer e fajësoi atë kur dushi nuk po funksiononte dhe uji kishte dalë nga banja. Ai pretendon se ajo kishte qenë duke pirë dhe e quajti atë shpifëse të shumëfishtë. "Unë u përpoqa të qetësoj situatën dhe ajo u tërbua më shumë", thuhet në kundërpadinë e Jackson.
Një përfaqësues ligjor i Palmer nuk iu përgjigj menjëherë kërkesës së The Times për koment të premten. Më 9 nëntor, Palmerit iu dha një kërkesë për një urdhër ndalimi kundër Jackson dhe kërkoi kujdestari të përkohshme mbi djalin e tyre. Kërkesa e saj erdhi nga një incident i supozuar më 5 nëntor, kur ajo tha se Jackson ‘erdhi në shtëpinë time pa dijeninë ose pëlqimin tim, më kërcënoi, pastaj më sulmoi fizikisht"./ZËRI/
