BERLIN – Ka skaduar më datë 12 dhjetor afati për të aplikuar për bileta në Europianin e Gjermanisë, ku merr pjesë dhe Shqipëria. Tifozët kishin në dispozicion 10 ditë për të aplikuar në faqen e UEFA-s, të dedikuar për biletat. Për shkak të kërkesave të larta për bileta, fituesit do të përcaktohen përmes lotarisë.
UEFA do të njoftojë tifozët që do jenë në stadium në fund të muajit janar. Pas kësaj, tifozët vendosin nëse do ta blejnë apo jo biletën. Në total janë në shitje 1 milion bileta, teksa çdo Kombëtare do ketë së paku 10 mijë tifozë për ndeshje.
Këtu nuk përfshihen personat, që blejnë biletat si tifozë neutraë. Duke qenë se stadiumet gjermane kanë kapacitet të madh, pritet që shumë njerëz të ‘dynden’ për të parë sfidat e Europianit.
Euro 2024 do të nisë më datë 14 qershor dhe mbyllet më 14 korrik. 24 Kombëtare do të luajnë për të shpallur një ekip fitues të kompeticionit më të rëndësishëm europian të futbollit./ZËRI/
