SHBA- Këngëtari Kevin Jonas ka habitur fanasat me zbulimin që bëri për shëndetin e tij. Këngëtari dhe njëri prej vëllezërve të famshëm Jonas, ka postuar një video në Instagram, ku tha se ishte diagnostikuar me karcinoma të qelizave bazale. Ai u bëri një thirrje njerëzve që të sigurohen për shëndetin e tyre.
“Një rikujtim miqësor, bëni kontrolle. Po, ky është një djalë i vërtetë i vogël me kancer të lëkurës që sapo filloi të rritet. Dhe tani, unë duhet të bëj një operacion për ta hequr atë. Sigurohuni që t'i kontrolloni nishanet njerëz," thotë ai, duke iu referuar një nishani në ballin e tij.
Jonas fitoi famë në fund të viteve 2000 së bashku me vëllezërit e tij Joe dhe Nick, duke shënuar albumet numër 1 në SHBA në 2008 dhe 2009 dhe një karrierë të suksesshme aktrimi në Disney Channel. Ata shkuan në pauzë në vitin 2012, por albumi i tyre i rikthimit të vitit 2019, Happiness Begins, i ktheu në numrin 1 në SHBA dhe gjithashtu arritën në vendin e dytë në Britani.
Karcinoma e qelizave bazale është një formë e kancerit të lëkurës që fillon në shtresat e sipërme të lëkurës dhe rrallë shkon në pjesë të tjera të trupit. Ai ndryshon nga forma më serioze e kancerit të lëkurës, melanoma./ZËRI
