TIRANË- Nuk janë vetëm bredhi dhe dritat e Krishtlindjeve. Nuk janë vetëm “topat” dhe dekorimet. Bimët kontribuojnë gjithashtu në frymën e Krishtlindjes, të cilat mund t'i japin nota natyrale hapësirës suaj me lulet, gjethet dhe frutat e tyre dhe t'ju ngrenë humorin në dimër.
Këto janë tre bimët që “përshtaten” më shumë se çdo tjetër me klimën e ditëve:
1. Euphorbia pulcherrima
Euphorbia më elegantja e familjes Euphorbiaceae Euphorbia, ose Ylli i Betlehemit ose Poinsettia, është padyshim lulja e dhjetorit. Është një bimë shumëvjeçare ekzotike, me origjinë nga pyjet tropikale të Meksikës. Lartësia e saj fillon nga 15 centimetra dhe mund të kalojë një metër në kushtet e duhura. Ngjyra e saj mbresëlënëse e kuqe është për shkak të gjetheve të saj prej kadifeje. Në tregje do të gjeni varietete me gjethe të bardha, rozë ose krem.
2. Kaktusi i Krishtlindjes
Kaktusi i Krishtlindjes ose Epiphyllum, është një tjetër bimë klasike për dekorimin tuaj të Krishtlindjeve, e cila do t'ju ngrejë humorin me stilin e saj të gjallë dhe lulet mbresëlënëse. Vjen nga Brazili, ku rritet në trungjet e pyjeve tropikale pa ndikuar negativisht në rritjen e tyre. Ndryshe nga kaktusët e tjerë, ai nuk ka gjemba. Lulëzimi i bollshëm që shfaq në Krishtlindje e bën atë një bimë shumë të dashur në këtë periudhë të vitit. Kohët e fundit ka varietete me lule të bardha.
3. Ardisia
Ardisia ose "kokrra e Krishtlindjeve" është bima e sezonit festiv. Në rast se jeni të lodhur nga bredhi klasik, Ardisia e zëvendëson denjësisht. Është një bimë subtropikale me rritje të ngadaltë me gjethe të gjelbërta të errëta me shkëlqim. Frutat e kuqe sferike që shfaqen gjatë Krishtlindjeve qëndrojnë në bimë për një kohë të gjatë, duke rritur vlerën e saj dekorative. Nëse zgjidhni nuancat e bardha për dekorimin tuaj, mos u shqetësoni, ka një varietet me fruta të bardha krem./ZËRI
