TIRANË- Sot është dita për të përditësuar sistemin operativ më të fundit të Apple, iOS17, dhe për të zhbllokuar një sërë veçorish të reja që premtojnë ta bëjnë përvojën e iPhone më personale dhe intuitive. Këto janë disa nga veçoritë e reja më të pritura nga përdoruesit e iPhone. Një nga veçoritë e reja, e quajtur Live Voicemail, do të transkriptojë mesazhin e një telefonuesi në kohë reale, duke u lënë përdoruesve të iPhone në dorë vendimin nëse do ta injorojnë telefonatën, apo do përgjigjen. Numrat e panjohur do të shkojnë drejtpërdrejt te 'posta zanore' sapo të keni të aktivizuar opsionin.
Për më tepër, FaceTime tani do t'u japë përdoruesve mundësinë për të lënë video mesazhe nëse dikush nuk iu përgjigjet.
Me iOS17, telefonatat Facetime do të bëhen gjithashtu më ekspresive – me reagime të tilla si: zemra, balona, fishekzjarre dhe më shumë efekte që mund të aktivizohen përmes gjesteve të thjeshta.
"Hej, Siri" shkurtohet
Një përditësim tjetër që mund të kërkojë disi më shumë kohë të mësoheni është të thoni thjesht "Siri" për të aktivizuar asistentin zanor të Apple, në vend të "Hey Siri". Për më tepër, Siri do të jetë gjithashtu në gjendje të përpunojë më mirë kërkesat e njëpasnjëshme pasi të aktivizohet.
Funksioni NameDrop
Funksioni i ri NameDrop në iOS17 e bën më të lehtë se kurrë shkëmbimin e numrit të telefonit me një mik të ri. Përdoruesit e iPhone duhet thjesht të afrojnë bashkë iPhone-ët siç bëjnë për AirDrop.
Përditësimi i fotos të kontaktit është një tjetër veçori e re, të cilën përdoruesit e iPhone kanë mundësi të aktivizojnë.
Kjo i lejon përdoruesit e iPhone të dizajnojnë një imazh të personalizuar që do të shfaqet kur kryejnë telefonata. Përditësimi i lejon përdoruesit të zgjedhin foton e tyre të identifikimit.
Modaliteti i ri StandBy, aplikacioni Journal dhe shumë më tepër
iOS17 prezanton gjithashtu StandBy, një përvojë të re në ekran të plotë me informacione të dukshme, të dizajnuara për t'u parë nga një distancë kur iPhone është në anënn tjetër dhe ende po karikohet. Për shembull, kur karikoni iPhone në komodinë ose tavolinë, mund ta personalizoni ekranin për të shfaqur një orë, foto të preferuara ose miniaplikacionet tuaja më të përdorura. Aplikacioni i ri Journal i Apple, synon të ndihmojë përdoruesit të reflektojnë dhe praktikojnë mbajtjen e një ditari./Zëri.ai
