SHBA- Nuk ndodh shpesh që të krijohen marrëdhënie miqësore mes bashkëshortes dhe ish-it, por kjo si duket nuk është problem për Jenifer Lopez. Lopez dhe ish-gruaja e Ben Affleck, Jennifer Garner u panë së bashku në një dalje të përbashkët familjare në Los Anxhelos të dielën.
Treshja, së bashku me fëmijët e tyre, ndoqën një performancë muzikore, duke treguar marrëdhënien miqësore të bashkëprindërimit që ata kanë mbajtur ndër vite. Garner, 51 vjeç, mbajti distancë nga Affleck dhe Lopez, duke ecur përpara me djalin e tyre Samuel, 11, dhe vajzën Seraphina, 15. Ndërkohë, Affleck dhe Lopez ecnin pas me vajzën e Lopez, Emme, 15 vjeç.
Situata e familjes dukej e relaksuar, me Affleck duke u përfshirë në bisedë me Emme dhe Lopez duke ecur krah për krah me të. Vajza më e madhe e Lopez , Violet , 18 vjeç, dhe vëllai binjak i Emme , Maximilian , mungonin dukshëm në shëtitjen familjare.
Dalja e rrallë familjare ishte një dëshmi e përkushtimit të tyre për të ofruar një mjedis mbështetës për fëmijët e tyre, duke treguar se, pavarësisht nga fama e tyre, fokusi i tyre mbetet te uniteti i familjes ./ZËRI
