TIRANË-Pas përfundimit të 'Big Brother VIP', si duket hatërmbetjet kanë vijuar mes banorëve. Së fundmi duket se janë mbyllur edhe miqësitë e krijuara brenda në shtëpi, një prej tyre ajo e Romeo Veshajt me Meriton Mjekiqin.
Në nisje të formatit të “BBV3”, Meritoni dhe Romeo kishin një marrëdhënie të ngushtë me njëri-tjetrin, por gjatë rrugëtimit të tyre patën disa keqkuptime gjë që solli krisje në raportin e dy shokëve, të cilët njiheshin që prej jashtë shtëpisë. E megjithatë, në afërsi të fundit të programit, ata bënë paqe dhe gjatë gjithë kohës u panë të jenë pranë njëri-tjetrit dhe po ashtu duke e mbështetur njëri-tjetrin në lojë, sidomos Meritoni-Romeon.
Dy banorët duket se kanë vendosur që të mos jenë më miq me njëri-tjetrin pas daljes nga reality- show. Dyshimet për këtë lindën pas një verifikimi se dy ish-banorët nuk ndiqen më në rrjetin social Instagram. Gjthashtu, as dy partneret e tyre, Ilnisa dhe Heidi lidhje të krijuara nga njohja brenda shtëpisë së famshme nuk ndiqen me njëra-tjetrën.
Gjithsesi një reagim prej tyre pritet për të vërtetuar nëse marrëdhënia e tyre miqësore është shkëputur apo vazhdon njëjtë si më parë./ZËRI
