
TIRANË- Mbrëmjen e djeshme shtëpia e Big Brother u ‘trazua’, me Erjolën që gatoi hallvën e vdekjes për Ilnisën dhe Meritonin, të cilët i konsideroi inekzistent si lojtarë.
Kjo gjë e preku gazetaren e cila u përlot dhe i kujtoi moderatores faktin që ka një familje jashtë që e ndjek dhe vajzën sidomos, duke u përpjekur të tregonte sesi do të ndiheshin ata pas një skene të tillë.
Ndërkohë që nuk vonoi as përgjigja e vëllait të Ilnisës, i cili në reagimin e tij ishte ironizues me Erjolën.
Përmes një postimi në Instastory me Anaisin, vajzën e Ilnisës (të cilën me këtë rast edhe na e prezantoi), ai shkruante: ‘Me Anaisin për një tortë sot. Për shëndet e jetë për të ëmën e saj dhe motrën time!’.

Veprimi i Erjolës u dënua nga shumica e banorëve të shtëpisë, të cilët e konsideruan të tepërt gatimin e hallvës, që në Shqipëri bëhet zakonisht kur njerëzit ndahen nga jeta, apo në raste përkujtimoresh./ZËRI