SHBA- Ariana Grande dhe Dalton Gomez kanë ndarë rrugët. Sipas mediave të huaja, Grande paraqiti një kërkesë për divorc të hënën në Los Angeles. Këngëtarja përmendi "dallimet e papajtueshme" si bazë për divorcin.
CNN ka kontaktuar me një përfaqësues të Grande për koment por ende nuk ka marrë asnjë përgjigje. Avokatja Laura ëasser po përfaqëson Grande në divorc, por CNN nuk e ka mësuar ende se kush po përfaqëson Gomez.
Këngëtarja e "Thank U, Next" dhe Gomez u martuan në vitin 2021.
“Ishte e vogël dhe intime – më pak se 20 persona. Dhoma ishte kaq e lumtur dhe plot dashuri. Çifti dhe të dyja familjet nuk mund të ishin më të lumtura,”- tha përfaqësuesi i Grande për People për ceremoninë e martesës.
Grande më vonë ndau fotot e dasmës së tyre, e cila u zhvillua në shtëpinë e tyre në Montecito, në faqen e saj në Instagram, duke mbishkrimin "5.15.21". Postimi aktualisht është hequr.Grande dhe Gomez, një agjent imobiliar, fillimisht bënë publike marrëdhënien e tyre me publikimin e këngës së saj të vitit 2020 "Stuck ëith U", një këngë për të cilën ajo bashkëpunoi me Justin Bieber. Gomez u shfaq në videoklipin e këngës.
Ata shpallën fejesën e tyre po atë vit. Por mesa duket dashuria ka mbaruar.../Zëri.ai
