ITALI- Prania e Chiara Ferragni-t në tribunat e ndërkombëtarëve të tenisit të Romës ishte e mjaftueshme për të nxitur thashetheme për një romancë të re të influencueses, e cila megjithatë ishte krejtësisht e pabazë. Teoria u nis nga Fabrizio Corona, me faqen e tij të internetit "Dillinger News", ku ai hipotezoi një flirt mes saj dhe tenistit Alexander Zverev.
Hipotezat, që rezultuan në fakt, të pambështetura në asnjë provë, sidomos në dritën e faktit se ai është i fejuar me aktoren dhe modelen Sophia Thomolla, që prej vitit 2020. Nuk ka hije krize mes të dyve, mjafton t'i hedhim një sy të shpejtë llogarive të tyre përkatëse në Instagram për ta kuptuar këtë.
Thomolla festoi fitoren e fundit të Zverev duke ndarë në Stories postimin e ATP Tour, i cili i bën homazh tenistit të kurorëzuar kampion në "Internazionali di Roma", dhe nuk mungojnë as shkrepjet e kohëve të fundit të çiftit, më të lidhur se kurrë.
Chiara Ferragni e kaloi fundjavën e fundit me një grup miqsh në Capalbio dhe më pas u kthye në Milano.
