TIRANË- Gazeta britanike "The Times" ka listuar 12 titujt e librave me të mire me kujtime, të cilët kanë lënë gjurmën më të madhe në tre dekadat e fundit. Mes emrave që janë në listë, i pari është ish-presidenti amerikane Barack Obama, por edhe një shqiptare. Bëhet fjalë për Lea Ypin, e cila është autorja e librit “Të Lirë”, në të cilin ajo përshkruan diktaturën komuniste.
LISTA E LIBRAVE:
Dreams from My Father nga Barack Obama (1995)
"Angela's Ashes" nga Frank McCourt (1996)
Giving up the Ghost nga Hilary Mantel (2003)
Bad Blood nga Lorna Sage (2000)
Përvoja nga Martin Amis (2000)
Persepolis nga Marjane Satrapi (2003)
Kid Gloves: A Voyage Round My Father nga Adam Mars-Jones (2015)
Priestdaddy nga Patricia Lockwood (2017)
Bota nga e cila rashë nga Melanie Reid (2019)
Të lirë nga Lea Ypi (2021)
Për librin, The Times shkruan: Ky kujtim i mrekullueshëm jep një pamje fëmijërore të regjimit komunist të Enver Hoxhës në rrënim të Shqipërisë. Imazhet që Lea Ypi sjell në mendje kërcejnë nga faqja dhe rri pezull në ajër – kanaçe boshe Coca-Cola të çmuara shumë, gurë që shënuan vendin tuaj në radhën e bukës dhe një statujë bronzi e Stalinit, e prerë kokën nga protestuesit. Ishte në listën e ngushtë të kandidatëve për çmimin Baillie Gifford.
Në libër, Lea Ypi, profesoresha e Teorisë Politike në London School of Economics, sjell perceptimin prej fëmije të Shqipërisë së rrënuar në komunizëm dhe në përpjekjet e saj drejt lirisë në post-komunizëm. Ky roman është botuar në 15 gjuhë të ndryshme të botës dhe vetëm muajin e parë ka shitur 10 mijë kopje. Libri mori vlerësime me pesë yje në Daily Mail dhe Daily Telegraph ndërsa në Sunday Times, ishte libri i vitit./ZËRI
