TIRANË- Ceremonia e sotme e “Topit të Artë” ka qenë mjaft e veçantë sidomos për tifozët shqiptarë, pasi për herë të dytë në histori, një futbollist shqiptar është pjesë e listës. Granit Xhaka është renditur në vendin e 16-të në klasifikim. Sot, ceremonia ka pasur edhe "surpriza" të tjera pasi skuadra e Real Madrid ka vendosur të mos marrë pjesë në ceremoni. Madrilenët e kanë bojkotuar ceremoninë për shkak se Vinicius dhe Karvahal nuk do të jenë fituesit e trofeut më të lakmuar nga futbollistët. Sipas parashikimeve, pritet që emri i Rodri të jetë ai që do të dalë nga zarfi i fituesit.
Renditja deri më tani
11 - Phil Foden
12 - Florian Wirtz
13 - Dani Olmo
14 - Ademola Lookman
15 - Nico Williams
16 – Granit Xhaka
17 – Federiko Valverde
18 – Emiliano Martinez
19 – Martin Odegard
20 – Hakan Çalhanollu
21- Bukajo Saka
22- Antonio Rudiger
23 – Ruben Dias
24 – Uilliam Saliba
25 – Kol Palmer
26 – Deklan Rajs
27 – Vitinja
28 – Alehandro Grimaldo
29 – Artem Dovbik
30 – Mats Humels
Xhaka është i 16-ti, pa shanse për të fituar por nuk është futbollisti i parë shqiptar që garon për trofeun “Topi i Artë”, pasi në të shkuarën ka qenë edhe legjenda Sokol Kushta. Legjenda kuqezi në vitin 1987, ishte mes kandidatëve të përzgjedhur nga “France Football” asokohe për trofeun prestigjioz. Ai e mbylli votimin me një pikë, po aq sa ikona e futbollit gjerman Rudi Fëler./ZËRI
