BRITANI E MADHE- Një incident i pazakontë ndodhi në ndeshjen e Leicester kundër Southampton, kur Jamie Vardy, golashënuesi më i mirë dhe kapiteni i ekipit, u detyrua të merrte përsipër... rolin e gjyqtarit për disa sekonda. Ndeshja filloi në mënyrë perfekte për Leicesterin, me sulmuesin 38-vjeçar që hapi serinë e golave në minutën e 17-të me një gjuajtje të shkëlqyer me të majtën.
Por, pak minuta më vonë, ndeshja u ndërpre nga një ngjarje e papritur.
MOMENTI ME VIDEO:
Në minutën e 27-të, Jordan Ayew, i cili më vonë shënoi golin e dytë të Dhelprave në rezultatin përfundimtar 2-0, u përplas padashje me gjyqtarin David Webb, duke e goditur lehtë në kokë. 49-vjeçari Webb, gjyqtari më i vjetër që ka debutuar në Premier League, u rrëzua në bar, i çorientuar. Menjëherë, Vardy vrapoi menjëherë drejt gjyqtarit të lënduar...dhe pa u menduar dy herë, mori bilbilin dhe e ndaloi ndeshjen. Duke kërkuar kështu ndihmë mjekësore.
Pas afërsisht 12 minutash shtesë, Webb u zëvendësua nga gjyqtari i katërt Sam Barrot, ndërsa ai vetë u nxor jashtë fushës në këmbë dhe më pas iu nënshtrua një ekzaminimi mjekësor për një tronditje në kokë./ZËRI
