TURQI- Nën tempullin, sot një xhami - Hagia Sophia fsheh një botë të tërë që vetëm tani po del në dritë. Më poshtë, janë publikuar pamjet nga bodrumet e monumentit, të cilat Ministria e Kulturës turke ka nisur t'i pastrojë në mënyrë që t'i hapë për vizitorët.
Në bodrum ka një labirint tunelesh, varre, dhomash dhe katakombesh me një gjatësi totale prej një kilometër. Sipas mediave turke, anëtari i Bordit Shkencor të Hagia Sophia Prof. Dr. Hasan Fırat Diker tha se ata kryen një studim vizualizimi arkitektonik të strukturave nëntokësore të Hagia Sophia rreth 5 vjet më parë.
PAMJET AKTUALE:
"Nëntoka, bukuritë e Hagia Sophia dhe gjetjet arkeologjike, të cilat janë lënë pas dore për shekuj, do të prezantohen para publikut,”- tha ai. Por e rëndësishme është të zbulohen vlerat e gjetjeve arkeologjike dhe kontrolli që do të bëhet në varret që janë nën (ish-kishën) Hagia Sophia.
“Gjetjet do të shqyrtohen me kujdes nën mbikëqyrjen e strukturave arkeologjike të Muzeut Hagia Sophia pasi mund të hedhin dritë mbi historinë e Stambollit."
Diker deklaroi se pjesët nën tokë janë të së njëjtës moshë me Hagia Sophia-s, e cila u ndërtua nga viti 532 deri në 537 pas Krishtit, por zona e varreve konsiderohet edhe më e vjetër.
Megjithatë për të gjithë fansat e historisë, për gjetjet do të duhet të presin më shumë se 1 vit./ZËRI
