LEZHË- Marrëveshja për emigrantët me Italinë ka ngjallur debate në Këshillin Bashkiak të Lezhës. Opozita ka përsëritur edhe njëherë shqetësimet e saj por kësaj here ka marrë një përgjigje nga kundërshtarët e tyre politikë.
"Mos përhapni panik për arsye politike,"-mësohet se i janë drejtuar të zgjedhurit e maxhorancës.
Sipas opozitës ka mungesë transparence për këtë marrëveshje dhe cënon rendin dhe sigurinë. Marrëveshja parashikon ndërtimin e kampeve në Shqipëri për emigrantët afrikanë që mbërrijnë në Itali ka sjellë shumë reagime. Kampet e refugjatëve do të ndërtohen në zonën e Gjadrit në Lezhë. Edhe banorët e zonës janë kundër kësaj marrëveshje dhe herë pas here po dalin në protestë.
Giorgia Meloni dhe Edi Rama nënshkruan një marrëveshje për emigrantët në 6 nëntor. Italia do të ndërtojë dy qendra në Shqipëri për të pritur emigrantët, që arrijnë në BE përmes detit. Marrëveshja do të zgjasë 5 vjet, por mund të shtohet edhe me 5 vite të tjera. Gjithashtu për të pritur emigrantët do të ndërtohet vetëm një qendër. Porti i zbarkimit do të jetë Shëngjini, ndërsa Gjadri do të jetë kampi ku do të ndërtohet vendqëndrimi i tyre. Kapaciteti maksimal i numrit që do të presë qendra në Shqipëri nuk mund të jetë më shumë se 3 mijë emigrantë./Zëri.ai
