TIRANË- Drejtuesja e Agjencisë Kombëtare të Shoqërisë së Informacionit, Mirlinda Karçanaj ka shkuar sot në ambientet e SPAK. Karçanaj ndodhet në ambientet e Strukturës së Posaçme Kundër Korrupsionit dhe Krimit të Organizuar që prej orës 10.00 të paradites, ku edhe po merret në pyetje nga prokurori, Elvin Gokaj.
Prokuroria e Posaçme Kundër Korrupsionit dhe Krimit të Organizuar ka regjistruar procedim penal ndaj zyrtarëve të AKSHI-t. Hetimet janë nisur nga SPAK lidhur me një tender me vlerën e 1.7 milionë eurove është dhënë në mënyrë abuzive nga ky institucion i është dhënë kompanisë SPOT COMUNICATION, për shpenzimin e reklamimit në e-Albania.
Në kallëzimin e bërë për Agjencinë Kombëtare të Shoqërisë së Informacionit, kërkohet hetimi ndaj: Mirlinda Karçanaj, me funksion drejtuese e Agjensisë Kombëtare të Shoqërisë së Informacionit (AKSHI); Elona Hoxhaj, me funksion Drejtor i Përgjithshëm për të Drejtën e Informimit; – Mirza Alibegaj, me cilësinë e administratores së shoqërisë “Spot Communicatiuons” sh.p.k. E po ashtu ndaj çdo personi që ka përgjegjësi ligjore penale./ZËRI
