TIRANË- Kryedemokrati Sali Berisha sërish ka përsëritur të njëjtat akuza për ministrin e Brendshëm, Taulant Balla. Teksa Berisha po i përsëriste lidhjet për të cilat e akuzon prej disa kohësh, megjithatë sot ka marrë një përgjigje nga kundërshtari i tij politik. Teksa Berisha fliste, Balla i kthente përgjigje, e mesa u la të kuptohej nga përgjigja e kryedemokratit, e paralajmëroi për një kallëzim penal.
"Shko dhe merr Taulant Begon dhe sille këtu. Nxirre urdhërin. Sill Prokurorin dhe regjistrimet që faktonin që je vrasës. Porosit vrasje. Çfarë kallëzimi ti mor...Shkon dhe shkarkon drejtorët e Policisë për Enchrochatin kur ti kishe 3 të tillë,"-tha Berisha.
Sot, mes tymueseve, karrigeve të mbledhura në Foltoren e Kuvendit, PS miratoi projektligjin më të rëndësishëm atë të pr/buxhetit 2024. Seanca ka zgjatur më pak se 5 minuta për shkak të skenarit të kaosit që deputetët e opozitës edhe kësaj here ishin të vendosur për të mos lejuar zhvillimin normal./Zëri.ai
