TIRANË- Presidentja e Komisionit Evropian, Ursula von der Leyen do të vizitojë sot Tiranën në kuadër të turit të saj në 6 vendet e Ballkanit Perëndimor. Sipas agjendës, Von der Leyen pritet të takohet me Kryeministrin Edi Rama në orën 15:15 në Kryeministrinë dhe pas një orë në 16:10 ata do të mbajnë një konferencë të përbashkët.
Gjatë vizitës së saj në Shqëipëri pritet të zhvillohet edhe ceremonia e hapjes se Kolegjit të Europës në 17:00. Presidentja e KE-së, pritet që të takohet nesër në orën 10:00 me presidentin Bajram Begaj dhe më pas do të vazhdoj turin e saj në vendet e tjera të Ballkanit Perëndimor. Pas takimit me Begaj, ajo do të vizitojë Maqedoninë e Veriut dhe më pas do të shkojë në Bosnjë dhe Hergegovinë. Von der Leyen pritet të vizitojë zonat e goditura nga përmbytjet e 4 tetorit.
Më 25 ajo do të vizitojë Serbinë ku do të takohet me presidentin serb Aleksandër Vuçiç. Pas takimit me Vuçiç në presidentja e KE do të jetë në Kosovë më 26 tetor ku do të takohet me presidenten Vjosa Osmani dhe kryeministrin Albin Kurti. Von der Leyen do të përmbyllë turin e vizitave të saj në Ballkanin Perëndimor të shtunën me vizitën e saj në Podgoricë të Malit të Zi.
Fokusin e veçantë Von Der Leyen do të ketë në paketën e BE-së për rritje dhe reforma në Ballkanin Perëndimor, e cila parashikon ndihmë financiare prej 6 miliardë euro për këto vende.
Agjenda e Ursula Von der Leyen:
15.10 – Mbërritja e Von der Leyen në Kryeministri
15.15 – Takim me kryeministrin Rama
16.10 – Deklaratë e përbashkët për shtyp
17.00 – Ceremonia e hapjes se Kolegjit të Europës
10:00- Takim me presidentin Bajram Begaj
/ZËRI
