TIRANË- Komisioni Qendror i Zgjedhjeve ka publikuar modelin e fletëve të votimit, me të cilin qytetarët shqiptarë brenda dhe jashtë vendit do të zgjedhin qeverinë për 4 vitet e ardhshme. Siç duket nga pamjet, në fletën e votimit janë emrat e partive, koalicioneve, kryetari i partisë si dhe emrat e kandidatëve për deputetë. Por ky është një model paraprak i fletës së votimit, pasi fleta zyrtare do aprovohet pasi partitë politike do regjistrohen për të garuar në zgjedhjet e 11 majit.
FLETËT E VOTIMIT:
Modelet e mësipërme janë për qarkun e Fierit dhe Gjirokastrës. Ndërkohë, Komisioni Qendror i Zgjedhjeve ka caktuar 25 shkurtin si afatin e fundit për regjistrimin e partive politike si subjekte zgjedhore, por procedurat kanë nisur. Prej ditësh, subjektet politike janë regjistruar në KQZ, ndërsa më 12 mars është afati i fundit për dërgimin e listave shumëemërore të deputetëve. Pas përfundimit të procedurave, në fillim të muajit prill do të hapet zyrtarisht edhe fushata elektorale për zgjedhjet parlamentare që do të mbahen më 11 maj./ZËRI
