TIRANË- Lëvizje në degët e Partisë Socialiste! Pas plagosjes së kushëririt të kryetarit të Bashkisë Kukës, Albert Halilaj, ky i fundit është shkarkuar nga detyra e kreut të PS-së. Aktualisht, Albert Halilaj do të mbajë vetëm postin e kryebashkiakut, ndërsa Shalsi ka njoftuar në mbledhjen me drejtuesit lokalë se do të marrë vetë drejtimin e Partisë Socialiste të Kukësit deri në zgjedhjet e 11 majit.
Por, përplasja me armë zjarri ka shkaktuar debate politike me kreun e Partisë Demokratike që akuzon deputetin socialist Eduard Shalsi se po nxit gjakderdhje në qarkun e Kukësit. Berisha përmes një postimi në rrjetet sociale tha se disa qytetarë kanë denoncuar ngjarjen duke dëshmuar se ka ndodhur për shkak të përplasjeve të socialistit me ish-kryebashkiakun Halilaj. Kryedemokrati akuzoi socialistin se provokon dhunë tek qytetarët.
“Shalsi shkarkon kryetarin e PS, Kukës, Has, Tropojë. Ai provokon rrahje shtazore dhe gjakdërdhje brenda në klanin e kryetarit të Bashkisë dhe PS Kukës, Albert Halili. Pershendetje dr Kjo perplasje me arme ne Kukes eshte ber per shkak te shkrakimit te Albert Halilit nga krytari i ps kukes nga Shalsi, Zenela Mucmata eshte krahu i Shalsit edhe ka nje Hotel ne kukesi aty ku Shalsi eshte akomodu, sot njerzit e familjes te Albert Halilit kane rrahur barbarisht Zenel Mucmaten…ky i fundit eshte armtos edhe e palagos djalin e xhajes Albert Halilit..edhe ndodhet ne spital ne prizeren ne gjendje kritike per jeten, pra me pak fjal zenkat me Shalsit edhe Halilt sot jane pershakallzu ne kete mase. Ketu me poshte po te dergoj mesazhin e Shalsit per drejtuesit socialist te Kukesit! Pas disa bisedave me disa kryetar njesish administrative qe kane marre porosi te vecante nga Kryetari, z. Halili qe te mbeshtesin akoma edhe me fort PS dhe mua personalisht, gje per te cilen i shpreh mirenjohjen, ju bej me dije se drejtimin e Partise Socialiste ne Kukes, do ta marr vete deri ne 11 Maj. Vetem ne raste te jashtezakonshme kryetari i bashkise mund te jete edhe kryetar i partise ( ne te gjithe shqiperine jane 1 ose 2 raste ). Le te japim me te miren dhe te vijojme pa u lodhur perpjekjet tona per nje rezultat qe te na beje te gjitheve krenar. Mbremje te qete dhe mos harroni - diasporen! Ky eshte sms e shalsit per shkarkimin e Halilit nga kryetari i Ps kukes. Po te njeten gje ka ber edhe per Hasin Dhe Tropojen. Ky qe ka gjujt me arme eshte shkraku para nje jave nga drjtori i komunales kukes pasi i ka dal ne krah shalsit,”-bëri me dije Berisha në rrjetet sociale.
Ndërsa, Shalsi, tashmë kryesocialisti i degës së Kukësit, i është përgjigjur pretendimeve të kryedemokratit duke e akuzuar atë se po e përdor ngjarjen e rëndë për politikë.
"Sali Berisha, kjo rrangallë politike i kërrusur - jo nga pesha e moshës, por nga damka e “non grata”-s; i sfilitur - jo nga betejat politike, por nga turpi me të cilin ka mbuluar veten e partinë e tij; i hallakatur mendërisht nga braktisja e atyre që dikur i kishte mbështetës; shumë i trembur nga fakti që për herë të parë në jetën e tij po përballet me drejtësinë, Sali Berisha tentoi dje të më përfshinte, duke i vendosur postimit të tij edhe një titull të neveritshëm, në një ngjarje në Kukës, me rrethanat e së cilës nuk kam asnjë lloj lidhjeje. Është kjo gërdallë politike që shantazhoi sistemin e drejtësisë kur pushteti i tij vrau në mes te bulevardit 4 qytetarë të pafajshëm apo mori 28 jetë njerëzish në Gërdec. Është kjo gërdallë politike që ka kërkuar të mbjellë urrejtje e armiqësi mes shqiptarëve gjithmonë duke përdorur një gjuhë banale e vulgare.
Nuk mendoj se Sali Berisha meriton t’i përgjigjem seriozisht. Edhe në kulmin e pushtetit të tij e kam konsideruar si njeri krejtësisht të pazotin për të qeverisur Shqipërinë; të pakulturuar për të shërbyer si model për shqiptarët; të papërgatitur për të udhëhequr vendin; primitiv e tribal në sjellje e krejtësisht të paaftë për të mbajtur fjalime që do të frymëzonin njerëzit; plotësisht i zhytur në padije, gjë për të cilën nuk ka qenë kurrë i vetëdijshëm. Në finale të jetës së vet, është i dënuar të kuptojë se sa i turpshëm është fundi i tij dhe ky është makthi me të cilin duhet të mësojë të jetojë tani e sa kohë", shkruan Shalsi.
Lidhur me largimin e Halilajt, në sqarimin para socialistëve, Shalsi tha se drejtuesit lokalë të pushtetit vendor nuk mund të mbajnë njëkohësisht edhe postin e kryetarit të partisë, duke lënë të kuptohet se "shkarkimi" nuk ka lidhje me plagosjen e djeshme të të afërmit të tij. Por Halilaj nuk ishte i vetmi që u "shkarkua". Shalsi ka vendosur të largojë nga detyra edhe kryetarin e degës së PS-së në Tropojë, Egzon Bashkurtin. Deri më tani nuk dihet pasuesi i tij./ZËRI
