GJIROKASTËR- Kryeministri Edi Rama gjatë takimit me gratë në Gjirokastër foli për sistemin e drejtësisë në vend. Rama u shpreh se ka Partia Socialiste ia ka dorëzuar shpatën e drejtësisë gjyqësor. Kryeministri u shpreh se edhe spe në radhët e socialistëve kanë ndodhur arrestime, ai ndjehet kryelartë sepse drejtësia po funsksionon.
“Altin Dumani është një prokuror me integritet dhe kurajoz. Meriton të gjithë respektin dhe solidaritetin për të gjitha ato sulmet që i bëjnë. Por, çështja është që Dumani nuk erdhi nga hëna këto 3-4 vite. Ishte në Tiranë dhe prej vitesh punonte prokuror. Si ka mundësi që ne nuk e dinim që ekziston një person me këtë emër. Që ky person i ndershëm në gjitha ato vite në Prokurori nuk ka thirrur një njeri me pushtet ta marrë në pyetje. Si ka mundësi që e gjithë struktura atje e bën këtë gjë sot. Çfarë e ka bërë këtë dallim. Puna ishte se që nga 1912 kur është krijuar shtetit shqiptar, nuk kishte ndodhur ndonjëherë që një person i pushtetshëm të përgjigjej para prokurorëve të pavarur. Kishte ndodhur të pushkatoheshin pa gjyq.
Madje, këtu në këtë vend para 10-12-14 vitesh ka ndodhur që i pari i vendit të bëjë sehir, ka bërë më shumë se sehir në vrasjen e protestuesve para dritares së vetë. Kur prokurori i përgjithshëm, që ishte një grua, ka tentuar t’i çojë fletëthirrje tre drejtuesve të policisë, ai doli dhe tha ajo është një lavire dhe nuk lejoi që drejtësia t’i merrte në pyetje. A e imagjinoni ju këtë sot? Ka ndryshuar diçka thelbësore, ka ndryshuar Shqipëria, ka ndryshuar drejtimi. Prandaj thotë populli vendi po shkon në drejtimin e duhur, kur e pyet ai sondazhisti i Trump.
Prandaj ne morëm vendimin që punët e drejtësisë t’ia linim drejtësisë. Na duhet një drejtësi e çliruar nga politika që të godasë majtas dhe djathtas. Për kë e kisha majtas unë? Për stamodumon? Jo vetëm që unë nuk kam asnjë kompleks kur këta çyryk përpiqen të manipulojnë popullin që gjysma e qeverisë është në burg, edhe sikur të ishte gjysma do ishte arsye për t’u ndier i turpëruar apo për t’u ndjerë kryelartë para jush, para po kur thosha më jepni timonin që të lejoj të tjerët të bëjnë drejtësi!”, tha Rama./ZËRI
