TIRANË- Temperaturat kanë shënuar sërish rritje këto ditë të fundit të Gushtit, në krahasim me fillimin e javës që lamë pas. Për fundjavën pritet mot me kthjellime dhe zhvillim të vranësirave në orët e mesditës kryesisht përgjatë relieveve malore të vendit, por në përgjithësi raportohet për mot të qëndrueshëm.
Sherbimi Meteorologjik Ushtarak raporton mbi motin në fundjavë:
Fundjava pritet të jetë në ndikim të kushteve atmosferike të qendrueshme. Moti parashikohet të jetë me kthjellime dhe zhvillim të vranësirave në orët e mesditës kryesisht përgjatë relieveve malore të vendit.
Përgjatë majave të male në orët e pasdites reshje lokale shiu me intensitet të ulët. Era parashikohet të jetë kryesisht nga kuadrati i veriut me shpejtësi mesatare deri në 7m/sek, e cila hera-herës përgjatë vijës bregdetare dhe zonave luginore pritet të fitoj shpjetësi deri në 12m/sek. Valëzimi në dete pritet të jetë i forcës 1-2 ballë.
