Përmbytje nga rreshjet e shiut në rrugën e Arbrit, rrezik i lartë për aksidente
DIBËR- As Qarku Dibër nuk i ka shpëtuar rreshjeve të dendura të shiut. Problemet më të mëdha si pasoje e shiut janë në urën e fshatit Fshat në Klosit, pjesë e rrugës së Arbrit që ndodhet mes tuneleve 3 dhe 4 e cila u përmbyt nga uji që vinte nga tunelet e tjera.
Për shkak të bllokimit të shkarkuesve mbi urë u krijua pellg i madh duke vënë kështu në rrezik drejtuesit e mjeteve. Gjithashtu problematikë është edhe rënia e gurëve në bajpasin e Murrizit por edhe në zonën e Xibrit./ ZËRI
VD- Stuhi edhe në Tiranë! Era e fortë lëkund pemët, trafik i rënduar në kryeqytet
TIRANË-Një erë e pazakontë në formë stuhie ka prekur Tiranën, pas temperaturave të larta ekstreme nga i nxehti afrikan. Në pamjet e siguruara nga ZËRI shihet teksa era e fortë lëkund pemët, ndërkohë që është krijuar trafikut i rënduar.
Ndërkohë stuhia ka prekur edhe vendet bregdetare, ku në Vlorë rreshjet e dendura te shiut kanë përmbytur rrugët dhe kanë shkatuar vështirësi në qarkullimin e automjeteve. Moti do të vijojë të jetë me vranësira në të gjithë territorin shqiptar, ndërsa era do të na shoqërojnë gjatë gjithë ditës./ZËRI
VIDEO- Stuhi në Vlorë, pushuesit braktisin plazhet
VLORË- Era e fortë dhe reshjet e shiut kanë shkaktuar një sërë problemesh në qytetin e Vlorës. Pas temperaturave të larta në të gjithë Shqipërinë, moti ka bërë një kthesë drastike. Në stuhi e fuqishme ka goditur sot (20 gusht) qytetin e Vlorës duke shkaktuar vështirësi në qarkullim. Në pamjet e siguruara nga ZËRI shihen rreshjet e dendura te shiut të cilat kanë përmbytur rrugët dhe kanë shkatuar vështirësi në qarkullimin e automjeteve.
Gjithashtu për shkak të këtij moti, pushuesit e qytetit të Vlorës janë detyruar të braktisin plazhet. / ZËRI
