Lukas Maertens i Gjermanisë fiton medaljen e parë të artë të notit në Lojërat Olimpike të Parisit
PARIS- Lukas Maertens fitoi medaljen e artë në garën e parë finale olimpike të Parisit 2024, duke përfunduar garën e 400 metrave stil i lirë për meshkuj në 3:41.78.
Ndërsa arena shpërtheu, Maertens arriti të zgjeronte epërsinë në 50 metrat e fundit pasi Kim Woo-min i Koresë së Jugut dukej se po e mbyllte diferencën. Kim do të përfundonte duke marrë medaljen e bronztë. Elijah Winnington nga Australia fitoi medaljen e argjendtë.
Shqipëria në Lojërat Olimpike, kush janë 8 sportistët kuqezi që do të garojnë
PARIS- Këtë vit, Lojërat Olipmike po mbahen në Paris, ku gjithçka ka nisur me ceremoninë madhështore që ishte organizuar në kryeqytetin francez. Pjesë ka marrë edhe Shqipëria. Vendi ynë, është hera e dhjetë që garon dhe këtë vot, ka tetë përfaqsues në fusha të ndryshme.
Atletja Luiza Gega mundësit Zelimkan Abakarov, Islam Dudeav e Chermen Valiev, atleti Franko Burraj, notarët Kaltra Meça e Grisi Koxhaku si dhe qitësja Manjola Konini. Kjo e fundit u eliminua pasi pas sfidës u rendit e parafundit. Me 3 dhe 4 gusht do të jetë përfaqësimi i radhës i Shqipërisë nga Gega dhe Burraj. Më pas, do të jetë radha e mundësve.
Shqipëria s’e nis mirë në Lojërat Olimpike, qitësja Manjola Konini, pa shënjestër
PARIS- Shqipëria nuk e ka nisur mirë në Lojërat Olimpike. Qitësja Manjola Konini është renditur në vendin e parafundit nga 44 sportistë që morën pjesë në total në disiplinën e qitjes.
Për rrjedhojë, Konini është eliminuar. Ajo nuk ia doli të shënonte, duke gabuar shënjestër. Shqiptarja la pas vetëm greken Anna Korakaki.
Gafa e turpshme në Lojërat Olimpike! Atletët e Koresë së Jugut prezantohet si të Veriut
PARIS- Dita e parë e Lojërave Olimpike që po mbahen në Paris është shoqëruar dhe me një gafë. Atletët e Koresë së Jugut janë prezantuar gabimisht si të Koresë së Veriut. “Republika Popullore Demokratike e Koresë”,- thanë spikerët francezë, që në fakt është emri zyrtar i Koresë së Veriut. Organizatorët kërkuan ndjesë për gabimin.
“Dëshirojmë të kërkojmë ndjesë të thellë për gabimin që ndodhi në prezantimin e delegacionit të Koresë së Jugut gjatë ceremonisë së hapjes,”- thuhet në deklaratë.
Megjithatë, Ministria e Sportit të Koresë së Jugut e konsideroi një gafë të turpshme dhe deklaroi se do të paraqesë një ankesë të fortë nda Francës në nivel qeveritar.
4 vite pas përballjes me sëmundjen e rëndë, Celine Dion rikthehet në skenën e Lojërave Olimpike
FRANCË- Super ylli i muzikës botërore është rikthyer në skenë për herë të parë që pasi zbuloi se vuan nga një gjendje e rëndë shëndetësore, duke performuar në ceremoninë e hapjes së Lojërave Olimpike në Paris.
Ishte performanca e parë live e Celine Dion në katër vjet dhe erdhi një vit e gjysmë pasi zbuloi se vuante nga sindroma e personit të ngurtë (SPS).
SPS është një çrregullim i rrallë neurologjik që shkakton spazëm të muskujve dhe mund të jetë dobësues. Ajo ndikoi gjithashtu në zërin e saj të veçantë dhe të fuqishëm.
56-vjeçarja, shoqërohej nga një pianiste në nivelin e parë të Kullës Eifel, poshtë unazave gjigante olimpike të ndriçuara.
Ylli i muzikës performoi “Hymne à L’Amour” të legjendarit Edith Piaf, me fansat nga e gjithë bota që e adhuruan performancën e saj në rrjetet sociale.
Dion kishte performuar “The Power of the Dream” në Ceremoninë e Hapjes së Lojëva Olimpike në Atlanta në vitin 1996, dhe thashethemet për një rikthim u përhapën që kur ajo u shfaq në kopertinën e “Vogue” francez në prill.
Celine Dion prej shumë kohësh dëshiron të rikthehet në skenë, pavarësisht sindromës që vuan, e cila ia vështirëson edhe zërin. Në dokumentarin e saj me titull “Unë jam Celine Dion”, ajo ka thënë me lot në sy: Kur përpiqem të këndoj, mushkëritë e mia janë mirë. Megjithatë, ajo që kanë para tyre është aq e ngurtë për shkak të sindromës sime sa nuk mundem. /ZËRI
