Batuta mes liderëve në Britani, Meloni: Ky e njeh më mirë se unë politikën! Rama: Kjo studion vetëm kundërshtarët
BRITANI E MADHE- Liderët e Bashkimit Europian janë mbledhur në samitin që zhvillohet sot në Britaninë e Madhe. Ndërsa janë ulur të gjithë në një tryezë, Rama dhe kryeministrja e Italisë nuk i kanë kursyer batutat. Meloni është drejtuar nga liderët e tjerë në tryezë duke u thënë se Rama, “merr vesh më shumë se ajo nga politikat italiane”.
“Ai i njeh politikat europiane më shumë se unë. Në disa raste është ai që mi shpjegon politikat italiane. Është thuajse italian”, ka thënë ajo.
“Kjo sepse më duhet t’i studioj të dyja palët. Kjo studion vetëm kundërshtarët”, i është përgjigjur Rama me humor.
Rama i pakënaqur me ushqimin: Nuk kanë faj anglezët
BRITANI E MADHE- Kryeministri Edi Rama duket se ka rezerva për ushqimin, i cili i është servirur në samitin e Bashkësisë Politike Evropine që po mbahet në Britaninë e Madhe. Kreu i qeverisë ka postuar një foto teksa konsumon "drekën", por që në fytyrë duket pakënaqësia e tij ndaj asaj që i është servirur.
Kështu që "vlerësimin" e tij, që kësaj herë është negativ, ka zgjedhur që ta ndajë me të gjithë në rrjetet e tij sociale duke e shoqëruar me një përshkrim "thumbues".
"Nuk kanë faj fare anglezët që kur vijnë në Shqipëri thonë “Oh sa mirë hahet këtu tek ju!”,"-shkruan Rama.
Epo, nga pamja nuk duket dhe aq keq...!/ZËRI
Starmer premton të rivendosë marrëdhëniet me vendet evropiane: Britania do të jetë një mike dhe partnere e BE-së
BRITANI- Keir Starmer u premtoi liderëve evropianë se do të rivendosë lidhjet e Britanisë me vendet e tyre. Kryeministri britanik mori pjesë në samitin e tij të parë ndërkombëtar, ku në theks kishte rregullimin e marrëdhënieve me Evropën. Në fjalimin e tij hapës të samitit të Komunitetit Politik Evropian në Pallatin Blenheim, Starmer iu drejtua udhëheqësve të më shumë se 40 vendeve se dëshironte të rinovonte "besimin dhe miqësinë" me ta.
Ministrat britanikë shpresojnë të përdorin samitin si një shans për të eksploruar bisedimet e ardhshme mbi migracionin dhe tregtinë, ndërsa Starmer shpreson për marrëveshje të reja me BE-në për kthimin e azilkërkuesve dhe tregtimin e mbrojtjes dhe produkteve bujqësore.
"Ne duam të punojmë me të gjithë ju për të rivendosur marrëdhëniet, për të rizbuluar interesin tonë të përbashkët dhe për të rinovuar lidhjet e besimit dhe miqësisë që ndriçojnë strukturën e jetës evropiane. Ne do të forcojmë marrëdhëniet tona ekzistuese dhe do të ndërtojmë të reja. Kjo përfshin rivendosjen e marrëdhënieve tona me BE-në, sepse besoj se Mbretëria e Bashkuar dhe BE, duke punuar së bashku si partnerë sovranë, janë një forcë e fuqishme për të mirën në të gjithë kontinentin tone”, tha ai.
Ai e krahasoi qasjen e tij me atë të paraardhësit të tij, Rishi Sunak, i cili mërziti disa aleatë evropianë me planet e tij për të dëbuar azilkërkuesit në Ruandë dhe duke kërcënuar se do të largohej nga konventa evropiane për të drejtat e njeriut nëse skema bllokohej në Strasburg.
"Ne po rivendosim qasjen tonë. Kjo qeveri nuk do t'i përdorë paratë e taksapaguesve për marifete. Ne do t'i qasemi kësaj çështjeje me njerëzim dhe me një respekt të thellë për të drejtën ndërkombëtare, dhe kjo është arsyeja pse ne hoqëm skemën e pazbatueshme të Ruandës që ditën e parë”, shtoi Stamer.
Udhëheqësit evropianë që mbërritën në samit u shprehën se ishin kryesisht optimistë për shanset e rinegocimit të marrëdhënieve të Britanisë me BE-në.
“Ne mirëpresim tonin e ri të qeverisë britanike dhe presim me padurim të angazhohemi me të. Ne jemi të gatshëm të përforcojmë bashkëpunimin tonë në politikën e jashtme dhe të sigurisë”, tha Kryediplomati i BE-së, Joseph Borrell.
“Në fushën e migracionit, ne mund të shohim se si mund të thellojmë lidhjet, si mund të bashkëpunojmë më shumë së bashku”, tha presidenti i Këshillit Evropian, Charles Michel.
Simon Harris, shefi i detyrës irlandeze, tha se qeveria laburiste ishte një "ndryshues i lojës" për BE-në.
“Kemi një qeveri britanike që flet në mënyrë aktive për një marrëdhënie më të ngushtë me Evropën, rëndësinë e lateralizmit shumë-relevante, qëndrimin brenda GJEDNJ-së, duke punuar ngushtë me Irlandën, duke folur për gjuhën rreth bashkë-garantuesit të procesit tonë të paqes. Është një peizazh shumë i ndryshëm”, tha ai.
Ndërsa liderët britanikë dhe evropianë kanë folur ngrohtësisht për mundësinë e një rinegocimi, bisedimet zyrtare mbeten ende shumë larg. David Lammy, sekretari i jashtëm, tha të enjten në mëngjes se Mbretëria e Bashkuar nuk ishte "afër" negocimit të marrëveshjeve me BE-në./ZËRI
Starmer takohet me Ramën, "Downing Street" jep detaje: Diskutuan emigracionin
BRITANI E MADHE- Kryeministri shqiptar Edi Rama ka zhvilluar një takim të shkurtër me homologun britanik, Keir Starmer. Siç bën me dije "The Guardian", të dy diskutuan lidhur me marrëveshjen e lidhur mes Shqipërisë dhe Italisë për çështjen e emigrantëve që do të strehohen në Lezhë. Por më shumë detaje lidhur me atë që u diskutua dha një zëdhënës i "Downing Street".
"Kryeministri u shpreh i kënaqur që gjeti kohë për t'u ulur me kryeministrin shqiptar, Edi Rama. Të dy liderët diskutuan çështje të sigurisë evropiane duke përfshirë emigracionin, veçanërisht zgjidhjet novatore si partneriteti Itali-Shqipëri. Ata diskutuan gjithashtu mbështetjen për Ukrainën përballë agresionit rus; dhe bashkëpunimin e Mbretërisë së Bashkuar në Ballkanin Perëndimor. Kryeministrat ranë dakord të vazhdojnë të forcojnë marrëdhëniet mes dy vendeve,”-u bë me dije zyrtarisht nga Britania e Madhe./ZËRI
“Nuk do të ishim këtu po mos të kishim thyer rregullat”, Vuçiç ndan foton me Ramën: Koha kalon më mirë me miq
TIRANË- Presidenti i Serbisë Aleksandër Vuçiç, ka ndarë disa foto nga samiti i Komunitetit Politik Evropian, që po zhvillohet në Oxfordshire të Britanisë së Madhe.
Pjesëmarrës në samit, krahas liderve të BE-së janë dhe liderët e vendeve nga rajoni, mes tyre dhe kryeministri Rama. Ky i fundit ka pasur një takim të shkurtër me disa prej liderve të rajonit, përfshirë edhe presidentin e Serbisë Aleksandër Vuçiç.
Presidenti serb ka ndarë disa foto nga Samiti, në shoqërinë e Viktor Orban, presidentit bullgar Rumen Radev, dhe presidentit të Azerbajxhanit, ku shkruan: “Nuk do të ishim ne të tre nëse nuk do të shkelnim të paktën një rregull. Edhe pse nuk është ora 17:00, këtu jam në një pushim të shkurtër me Orban, Aliyev dhe Radev me kafe (dhe çaj për mua). Edi Rama na u bashkua nga fundi. Do të jetë një ditë e gjatë dhe e lodhshme, por është gjithmonë më e lehtë me miqtë, pavarësisht se ku takoheni. Ne diskutojmë çështje aktuale me rëndësi për vendet tona dhe të gjithë Evropën dhe organizojmë takime në periudhën e ardhshme, sepse ka shumë plane dhe koha po ecën shpejt”.
View this post on Instagram
Takimi i katërt i Komunitetit Politik Evropian ka mbledhur së bashku liderë nga i gjithë kontinenti në Pallatin Blenheim në Oxfordshire, Mbretëria e Bashkuar. Udhëheqësit do të diskutojnë mbështetjen e vazhdueshme për Ukrainën si dhe sfidat e përbashkëta si energjia dhe lidhjen, sigurinë dhe demokracinë, dhe migrimin.
Një nga dy tryezat e rrumbullakëta për mbrojtjen dhe sigurimin e demokracisë do të bashkëkryesohet nga Presidenti Charles Michel dhe presidenti malazez Jakov Milatoviç. Liderët e ftuar në atë tryezë do diskutoni se si të adresohen kërcënimet që synojnë demokracitë evropiane, duke përfshirë dezinformimin dhe manipulimi i informacionit të huaj.
Struktura e samitit do të ndjekë modelin e përdorur gjatë takimeve të mëparshme. Gjetjet nga tryezat e rrumbullakëta do të raportohet në seancën plenare përmbyllëse.
U harrua 'Beleri'? Rama takohet me Mitsotakis, çfarë po diskutojnë?
BRITANI E MADHE- Kryeministri Edi Rama është takuar me homologun grek Kyriakos Mitsotakis në Pallatin Blenheim të Anglisë, ku ndodhen në kuadër Samitit të Komunitetit Politik Europian. Siç edhe duket nga pamjet e mëposhtme, të dy kryeministrat duken të buzëqeshur në praninë e njëri-tjetrit, edhe pse së fundmi kanë pasur shumë tensione.
Përplasja e tyre më e fundit ka qenë ajo për çështjen e tashmë ish-kryebashkiakut të zgjedhur të Himarës, Fredi Belerit, për të cilin vetë Mitsotakis u zothua se do të bëhej pengesë për anëtarësimin e Shqipërisë në Bashkimin Europian. Ndërkohë që po sot, në Kuvendin e Shqipërisë kaloi me shumicë votash kërkesa zyrtare që do t'i bëhet Greqisë për heqjen e ligjit të luftës./ZËRI
"2 tryeza të rrumbullakëta!" Rama niset drejt Britanisë, do të bashkëdrejtojë me Melonin temën e migracionit
BRITANI E MADHE- 47 liderë evropianë do të takohen nesër (enjte 18 korrik) në Pallatin Blenheim, për samitin e katërt të Komunitetit Politik Evropian. Drejt Britanisë ka udhëtuar pas mesdite dhe kryeministri Edi Rama. Mes të tjerave, udhëheqësit do të diskutojnë në këtë takim të 4 të këtij komunitetit dhe për migrimin.
Mësohet se do të jenë 2 tryezat e rrumbullakëta që do të mbahen në këtë takim, një për emigracionin e paligjshëm që do të bashkëdrejtohet nga Giorgia Meloni dhe kryeministri Rama dhe një tjetër për mbrojtjen dhe sigurimin e demokracisë që do të bashkëkryesohet nga Presidenti Charles Michel dhe Presidenti malazez Jakov Milatoviç.
Ky do jetë një nga angazhimet e para të Kryeministrit të sapozgjedhur të Mbretërisë së Bashkuar Keir Starmer me liderët ndërkombëtarë./ZËRI
