EUROPË-Ligjvënësit e Bashkimit Evropian dhe vendet anëtare kanë arritur një marrëveshje për të rishikuar rregulloren e bllokut për dërgesat e mbetjeve dhe për t'i dhënë fund eksporteve të mbeturinave të caktuara në vendet e treta që nuk janë në gjendje t'i përpunojnë siç duhet.
“Eksportet e disa mbeturinave jo të rrezikshme dhe përzierjet e tyre (…) do të lejohen vetëm në ato vende që nuk janë anëtare të OECD-së që pranojnë dhe përmbushin kriteret për trajtimin e mbetjeve të tilla në një mënyrë të shëndoshë mjedisore”, tha Parlamenti, raporton Reuters.
Ndërkohë u diskutua se do të merret parasysh edhe pajtueshmëria me të drejtat ndërkombëtare të punëtorëve. Gjithashtu u bë e ditur se do të shtrëngohen rregullat për eksportet e mbeturinave plastike në vendet brenda OECD, grupit të vendeve kryesore të pasura në botë. Në vitin 2021, Komisioni Evropian propozoi një rinovim të rregullave të BE-së për dërgesat e mbeturinave për ta bërë më të vështirë për shtetet anëtare shkarkimin e tyre në vendet më të varfra.
Parlamenti njoftoi se vendet e BE-së duhet të ndalojnë dërgimin e mbetjeve plastike në vendet më të varfra brenda dy viteve e gjysmë nga hyrja në fuqi e legjislacionit, duke shtuar se rregullat për eksportet e mbetjeve plastike në vendet brenda OECD - grupi i vendeve kryesore të pasura në botë - do të gjithashtu të shtrëngohen.
