PAKISTAN- Ish-kryeministri i burgosur i Pakistanit, Imran Khan dhe gruaja e tij u paraqitën në një gjykatë të martën dhe u deklaruan të pafajshëm në një rast ryshfeti që pretendonte se pranuan dhuratën e tokës nga një manjat i pasurive të paluajtshme në këmbim të shumave të mëdha të pastrimit.
Ky është rasti i dytë që Khan dhe gruan e tij Bushra Bibi paditen për akte korrupsioni që dyshohet se janë kryer gjatë kohës që ishte në detyrë.
Prokurorët e akuzojnë çiftin se kanë përdorur bamirësinë e familjes së tyre për të ngritur një universitet në tokën e dhuruar atyre nga manjati, Malik Riaz. Nga ana tjetër, biznesmenit dyshohet se iu dhanë 190 milionë paund (240 milionë dollarë) në para të pastruara që iu kthyen Pakistanit nga autoritetet britanike.
Khan ka mohuar keqbërjen dhe ka këmbëngulur që nga arrestimi i tij vitin e kaluar se të gjitha akuzat kundër tij janë një komplot nga rivalët e tij për ta penguar atë të kthehet në detyrë./ZËRI
