Fermerët spanjollë dhe francezë bllokuan sot rrugët përgjatë kufirit në Pirenejtë në shenjë proteste, përpara zgjedhjeve evropiane, ndaj asaj që ata thonë se është konkurrencë e pandershme nga vendet jashtë Bashkimit Evropian. Në fillim të këtij viti, fermerët bllokuan shumë rrugë në vendet e BE-së për javë të tëra, duke protestuar kundër rritjes së kostove të prodhimit, taksave, burokracisë, rregulloreve të tepërta mjedisore dhe konkurrencës nga importet e lira të ushqimit.
Duke përdorur dhjetëra traktorë, fermerët spanjollë dhe francezë mbyllën të dy anët e kufirit në autostradën AP-8 në Vendin Bask dhe AP-7 në Katalonjë.
LIVE: Spanish farmers protest by blocking border with France https://t.co/11WTR3Ecbz
— Reuters (@Reuters) June 3, 2024
"Pasi të kemi zgjedhjet evropiane, le të shohim nëse politikanët tanë e marrin seriozisht sektorin dhe dëgjojnë kërkesat tona," tha fermeri spanjoll Josep Zuscafrase, 54 vjeç.
“Është e rëndësishme protesta, sepse në Francë bujqësia është punë e vështirë. Ajo është lënë pas dore për 20 vjet e më shumë. Dhe ne ushqejmë botën, ju e dini”, tha francezi Sylvain Furik, 39 vjeç./ZËRI
