BRITANI E MADHE- Ky është padyshim një vit i vështirë për familjen mbretërore. Pas vdekjes së Mbretëreshës, operacionit misterioz të Kate Middleton në bark dhe diagnostifikimit të mbretit Charles III me kancer, vjen një tjetër lajm: xhaxhai i Kate Middleton, Gary Goldsmith (vëllai i nënës së saj Carole Middleton), hyri në "Big Brother".
Pallati është i shqetësuar se 58-vjeçari, i cili ka pushtuar tabloidet në të kaluarën, do të zbulojë sekretet familjare në televizion. Nga ana tjetër, producentët e spektaklit janë të emocionuar.
Që në vitin 2009, një foto e tij nga Ibiza, ku dukej se po merrte kokainë, doli në media. Po atë vit, ai kishte sulmuar dhe rrahur gruan e tij të katërt, Julie-Ann, jashtë shtëpisë së tyre kur ajo e akuzoi atë për konsum droge. Ai u deklarua "fajtor" në gjykatë dhe u gjobit me 5000£, 12 muaj shërbim në komunitet dhe 20 seanca rehabilitimi. Gjyqtarja e asaj kohe, Emma Arbuthnot, e kishte përshkruar atë si një "të dehur të mjerë".
Që atëherë, ai ka vazhduar të angazhojë shtypin në mënyra të ndryshme – si për shembull me fragmentin nga libri "Rezerva (Spare)", ai komentoi dëshminë e Princit Harry dhe grindjen me vëllain e tij, Princin William.
"Jam i neveritur nga gjysmë të vërtetat dhe gënjeshtrat e plota që ai thotë sepse Kate është mbesa ime e preferuar,"'
Babai i Goldsmith ishte një dekorues, ndërsa gjyshi i tij ishte minator. Kontakti i tij i parë me familjen mbretërore ishte në moshën 8-vjeçare, kur motra e tij, e cila punonte si stjuardesë për British Airways, takoi Michael Middleton, i cili do të bëhej burri i saj. Ai e la shkollën për të punuar në kompaninë që merrej me riparimin e kompjuterave, por përfundoi duke u bërë drejtor i "Computer Futures". Kur ai shiti aksionet e tij në 2005, ai thuhet se fitoi 17 milionë paundë, të cilat i shpenzoi në blerje luksoze: një vilë në Ibiza, makina sportive dhe një jaht privat.
Në brendësi të vilës thuhet se është gdhendur shprehja: Kjo është bota e Gary-t, thjesht mësoni të jetoni në të.
Kur thashethemet për hyrjen e tij në 'Big Brother' filluan të qarkullojnë në janar, autorja dhe biografia mbretërore Angela Levin komentoi: Mendoj se është shumë e sikletshme, problemi është se ai nuk i pëlqen fare Harry dhe Meghan, por disa nga komentet e tij do të jenë negative. Ato do ndikojnë edhe Kate, e cila është duke u rikuperuar nga operacioni./ZËRI
