RUSI- Në rrjet është duke qarkulluar me shpejtësi një video me pamje tronditëse, ku një grup ushtarësh rusë të dehur sulmojnë me armë në një lokal me vendas në Krime. Siç shihet edhe nga pamjet, ata fillojnë të dhunojnë pa mëshirë burrat dhe gratë që ndodhen në kafenenë e Kalasë. Si pasojë e goditjeve, vendasit kanë mbetur të plagosur rëndë me fraktura në trup dhe thyerje kockash, megjithëse nga sulmi nuk pati viktima, shkruajnë mediat e huaja.
Ushtarët rusë sulmuan lokalin pasi festuan Ditën e Mbrojtësit të Atdheut të Rusisë, e njohur gjithashtu si Dita e Burrave. Videoja u publikua nga e dashura e një prej të plagosurve, i cili ndodhet në gjendje të rëndë në spital.
"Njerëz të armatosur, të maskuar dolën në ballkonin e lokalit ku njerëzit po rrinin dhe pinin duhan dhe filluan t’i rrahin. Ata e vunë të dashurin tim në një karrige dhe filluan ta rrahin brutalisht me shkopinj. Vëllai i tij, i cili u përpoq të ngrihej për të, dhe miqtë e tij gjithashtu vuajtën. Dy burra tullac, të turpshëm që rrahën vizitorët rezultuan se ishin oficerë ushtarakë në detyrë. Kur u përpoqëm të zbulonim emrat e këtyre personave, u informuam se ata po përpiqeshin të mbyllnin çështjen. Miq, ndihmoni në përhapjen e videos, që kjo të mos ndodhë më nesër me fëmijët dhe të dashurit tuaj. Zemra ime rrjedh gjak nga kjo mizori", tha ajo./ ZËRI
Shihni videon më poshtë:
