GJERMANI-Një zjarr i fuqishëm shpërtheu këtë të premte, në një fabrikë të kompanisë industriale Diehl Metal, e cila prodhon raketa ajrore IRIS-T për Ukrainën. Shpërthimi mobilizoi të paktën 170 zjarrfikës në një zonë industriale të vendosur në perëndim të kryeqytetit gjerman, rruga Am Stichkanal në distriktin Berlin-Lichtefelde.
Zjarrfikësit paralajmërojnë se mund të zhvillohet cianidi vdekjeprurës i hidrogjenit, dhe njerëzit u detyruan të mbylleshin brenda deri në një njoftim të dytë. Shteti i Berlinit ka lëshuar një paralajmërim zyrtar për rrezikun dhe u ka kërkuar njerëzve që të qëndrojnë larg zonës pasi reja e tymit tashmë po shtrihet në pothuajse të gjithë zonën perëndimore të qytetit.
Aktualisht nuk ka informacione për shkakun e zjarrit dhe nuk dihet nëse Rusia ka 'gisht' në ngjarjen e shkatuar. Megjithatë nuk raportohet për viktima apo të lënduar./ZËRI
