AZI- Gjithmonë themi se kafshët nga sjelljet e tyre janë të përafët me njerëzit dhe situata e fundit ka shokuar shkencëtarët. Një orangutang duket se e kuron plagën me ilaçe nga një bimë tropikale, shembulli më i fundit se si disa kafshë përpiqen të qetësojnë sëmundjet e tyre me ilaçe që gjenden në natyrë.
Shkencëtarët vëzhguan se si orangutangu i quajtur Rakus shkuli dhe përtypi gjethet e një bime medicinale të përdorur nga njerëzit në të gjithë Azinë Juglindore për të ulur dhimbjen dhe inflamacionin. Hulumtimet e mëparshme kanë dokumentuar se disa lloje majmunësh të mëdhenj kërkojnë ilaçe në pyje për të shëruar veten, por shkencëtarët nuk kishin parë ende një kafshë të trajtohej në këtë mënyrë.
"Kjo është hera e parë që ne kemi vëzhguar një kafshë të egër duke aplikuar një bimë mjekësore mjaft të fuqishme direkt në një plagë," tha bashkëautorja Isabelle Laumer, një biologe në Institutin Max Planck të Sjelljes së Kafshëve në Konstanz, Gjermani.
Sjellja intriguese e orangutangut u regjistrua në vitin 2022 nga Ulil Azhari, një bashkautor dhe studiues në terren në Projektin Suaq në Medan, Indonezi. Fotografitë tregojnë se plaga e kafshës u mbyll brenda një muaji pa asnjë problem. Shkencëtarët i kanë vëzhguar orangutangët në Parkun Kombëtar Gunung Leuser të Indonezisë që nga viti 1994, por ata nuk e kishin parë më parë këtë sjellje./ZËRI
