SHBA- Kriza në kufirin SHBA-Meksikë është aq e dukshme sa edhe emigrantët e paligjshëm janë të shokuar se sa e lehtë është të hysh në Shtetet e Bashkuara të Amerikës nga pikat e ligjshme në jug të vendit. Korrespondenti kombëtar i Fox News, Bill Melugin, intervistoi një emigrant turk që hyri ilegalisht nga zona e San Diegos. Ai tha se i pagoi një karteli meksikan 10,000 dollarë për të qenë në gjendje të kalonte territorin e tyre në anën meksikane të kufirit.
“Më refuzuan vizën disa herë, kështu që vendosa të kaloj ilegalisht”, tha ai.
“Në fakt, amerikanët kanë të drejtë, është absolutisht e vërtetë. Kush vjen në këtë vend? Ata nuk e dinë. Mirë, unë që jam njeri i mirë, por çfarë ndodh nëse ato që vijnë nuk janë të mirë? Po sikur të jenë vrasës, psikopatë,”, paralajmëroi emigranti.
"Asnjë kontroll sigurie”, shtoi ai.
Sektori i San Diegos është tani epiqendra e krizës kufitare. Për shkak të një kombinimi të përpjekjeve të sigurisë në Teksas dhe Meksikën veriore, emigrantët e paligjshëm po dërgohen në pjesën e Bregut Perëndimor të kufirit jugor. Përpara sektorit të San Diegos, sektori Tucson, Arizona ishte pika kryesore e hyrjes në kufi. Deri më tani, agjentët e Patrullës Kufitare të Sektorit të San Diegos kanë hasur në afro 223,000 emigrantë të paligjshëm, sipas Doganave dhe Mbrojtjes së Kufirit të SHBA./ZËRI
