SHBA-Kryeprokurorja e Manhattanit, Danielle Sassoon, ka dhënë dorëheqjen pasi refuzoi një urdhër për të hequr dorë nga një çështje korrupsioni kundër kryetarit të bashkisë së Nju Jorkut, Eric Adams. Sassoon e quajti urdhrin një "precedent të rrezikshëm".
Sassoon refuzoi, duke i dërguar një letër Ministres së Drejtësisë Pam Boddy, ku thuhej: Unë nuk mund të pajtohem për tërheqjen e një çështjeje bazuar në motive të pahijshme.
Dorëheqja e Sassoon u shoqërua me dorëheqjet e dy zyrtarëve të tjerë të lartë të Departamentit të Drejtësisë. Gjithashtu u raportua se janë larguar edhe tre prokurorë të tjerë nga njësia e korrupsionit.
Çfarë ka ndodhur?
Kryebashkiaku Adams, i akuzuar që nga shtatori i kaluar për ryshfet dhe pranim të paligjshëm të parave nga shtetasit turq, i mohon akuzat. Çështja u iniciua nga zyrtarë të emëruar nën Presidentin Joe Biden, por kohët e fundit, Zëvendës Prokurori i Përgjithshëm Emile Bove, i emëruar nga Donald Trump, urdhëroi që çështja të tërhiqej, shkruan Protothema.
Zëvendësprokurori i Përgjithshëm në detyrë Emil Bove përmes një shkrese të hënën tha se rasti ndaj kryebashkiakut demokrat Adams, duhet të pushohet në mënyrë që ai të ndihmojë në fushatën kundër imigracionit të Presidentit Donald Trump dhe të kandidojë për t’u rizgjedhur. Adams akuzohet se ka pranuar dhurata me vlerë më shumë se 100,000 dollarë nga Turqia, si fluturime dhe akomodime, kur ai ishte president i Brooklyn. Aktakuza përshkruan raste, të tilla si hotele luksoze dhe ushqime, që janë financuar nga shtetas turq./ZËRI
