KOSOVË-Një ngjarje e rëndë është raportuar në Kosovë, ku një grua në orët e para të mëngjesit është mbajtur peng nga bashkëshorti i saj në Qendrën Klinike Universitare të Kosovës (QKUK). Njgjarja është raportuar brenda ambjenteve të klinikës. Menjëherë janë marrë masat emergjente nga institucioni dhe është njoftuar Policia e Kosovës. Spiali u izolua dhe forcat e policisë kanë neutralizuar veprimet e të dyshuarit.
“Qendra Klinike Universitare e Kosovës në orët e hershme të mëngjesit është njoftuar për një incident brenda hapësirave të klinikave. Menjëherë janë ndërmarrë masat emergjente nga institucioni, është njoftuar edhe Policia e Kosovës. Pas masave të ndërmarra rasti është izoluar dhe nuk paraqet rrezik”, thuhet në njoftimin e QKUK-së.
Policia njoftoi se gruaja ka kërkuar ndihmë pasi është ndier e frikësuar nga bashkëshorti i saj, i cili i ka shkuar në vendin e punës dhe i ka kufizuar lëvizjen. Aktualisht policia po trajton rrethanat e raportuara që ndërlidhen me rastin, përderisa të dyshuarin e ka shoqëruar në stacioni policor si pjesë e vijimësisë hetimore./ZËRI
