TURQI- Një aksident me pasoja tragjike ka ndodhur në Turqi, ku kanë humbur jetën 10 persona, ndërsa 57 të tjerë kanë mbetur të plagosur. Sipas mediave vendase, 7 nga personat e plagosur paraqiten në gjendje kritike për jetën.
Aksidenti i rëndë ndodhi në provincën Sangari, e cila gjendet në veriperëndim të Turqisë, ku u përfshinë 7 automjete, duke përfshirë 3 autobusë dhe 1 kamion.
Kaza, saat 04.30 sıralarında Kuzey Marmara Otoyolu'nun Sakarya Dağdibi mevkisinde meydana geldi. Aralarında 3 otobüs ve 1 TIR'ın da bulunduğu 7 araç zincirleme trafik kazasına karıştı. İhbar üzerine bölgeye çok sayıda itfaiye, 112 acil sağlık, polis ve jandarma ekibi sevk edildi.… pic.twitter.com/oYUJzI5bmo
— Hürriyet.com.tr (@Hurriyet) December 28, 2023
Shkak i aksidentit, sipas mediave turke, dyshohet të ketë qenë mjegulla e dendur që kishte mbuluar autostradën, e për pasojë ka sjellë problem me fushëpamjen për drejtuesit e mjeteve.
Nga hetimet e deritanishme është bërë e ditur se dinamika ka qenë e tillë: fillimisht një makinë ka përplasur kamionin. Pas përplasjes, disa pasagjerë kanë zbritur nga makinat e tyre për të parë se çfarë kishte ndodhur dhe u përplasën nga automjetet e tjera që lëviznin me shpejtësi. /ZËRI
