KOSOVË – Zëvendësministri për Komunitete për Kthim në Qeverinë e Kosovës, Radoica Radomiroviç në rrjetin e tij social Facebook ka publikuar disa foto në rrugët e veriut, ku janë vendosur postera kundër ish-nënkryetarit të Listës Serbe, Milan Radoiçiç.
“Çfarë mendojnë qytetarët për liderin bandit të Listës Serbe”, shkruan Radomiroviç, teksa ka publikuar posterat kundër Radoiçiç.
-
-
-
Vuçiç për urdhër-arrestin e Radoiçiç: Do jemi gjithmonë me serbët
8 Dhjetor, 14:23 -
Kurti: Radoiçiç po përgatit sulm terrorist në Kosovë
19 Nëntor, 18:00
Në postera, Radoiçiç akuzohet si patriot i rrejshëm dhe terrorist, ndërsa thuhen akuza të rënda për të.
“Kush është Radoiçiçi? Një patriot i rrejshëm, i dyshuar për vrasje të shumta të serbëve në Kosovë, pronar i një laboratori të drogës. Krimineli që abuzoi me rininë tonë, për pasurim personal. Terrorist. Thuajini Jo organizatës terroriste (Lista Serbe)”, shkruhet në posterat e vendosura në komunat veriore në Kosovë.
Milan Radoiçiç mori përsipër edhe sulmin me armë zjarri më 24 shtator kundër Policisë së Kosovës. Ai u arrestua nga autoritetet serbe, por gjykata e la të lirë. Tashmë nuk është më as pjesë e Listës Serbe./ZËRI/
