SKOCI- Dy persona kanë humbur jetën këtë të premte si pasojë e stuhisë “Babet” që ka goditur Skocinë lindore. Stuhia ka shkaktuar përmbytje dhe erëra të forta. Ndërkohë autoritetet kanë dhënë “Alarmin e kuq” në lidhje me situatën, e cila pritet të përkeqësohet në orët në vijim.
Sipas autoriteteve, një pemë goditi një furgon duke vrarë shoferin, ndërsa një grua u rrëmbye nga rrjedha e një përroi që doli nga shtrati.
Rrugët kryesore janë mbyllur nga përmbytjet, duke përfshirë pjesët e rrugës A9 në malësitë jugore dhe A90 në disa vende në Dundee dhe Aberdeenshire. Ura e Tay Road, Ura e Dornoch dhe Ura e Forth Road u mbyllën për automjetet e anës së lartë.
Shërbimet e trenave janë pezulluar në të gjithë zonën e prekur, Fife, Tayside, Perthshire dhe Aberdeenshire. Më shumë se 400 famije janë evakuuar për shkak të paralajmërimeve për përmbytje dhe shkollat janë mbyllur, ndërsa energjia elektrike është ndërprerë për mijëra banorë.
Shërbimet e trageteve në Hebridet e brendshme, në Shetland dhe brenda Orkney u anuluan gjithashtu, si dhe fluturimet ajrore rajonale të operuara nga Loganair./Zëri.ai
