GREQI- Një skandal ka ndodhur në një kishë në Agrinio në Greqi! Një prift 53-vjeçar u dënua me burg për abuzim seksual dhe përdhunimin e tre vajzave, të cilat në atë kohë ishin të mitura. Një nga vajzat e abuzuara ka thyer heshtjen dhe ka rrëfyer publikisht tmerrin që përjetoi.
“Kur isha 13 vjeçe, filloi të më ngacmonte me prekje të papërshtatshme. Pastaj më kërkoi ta takoja në dhomën e rrëfimit, pa praninë e të tjerëve”, ka treguar ajo.
Ajo tha se gjithçka ndodhi në një dhomë që prifti e përdorte si rrëfimore.
“Më puthte në qafë dhe më prekte në vende intime. E dija që ishte e gabuar, por nuk guxoja të flisja. Ai ishte prift, dhe të gjithë e respektonin.”
Prifti u shpall fajtor për përdhunim, ngacmim seksual dhe posedim materialesh pornografike dhe u dënua me 27 vjet burg. Në sallën e gjyqit, një nga nënat e vajzave doli në mbrojtje të priftit, duke mos i besuar vajzës së saj. Vajza tha se prifti manipulonte jo vetëm vajzat, por edhe familjet e tyre, duke përdorur pozicionin e tij fetar për të fituar besimin dhe për t’i kontrolluar./ZËRI
