ITALI- Një ngjarje e rëndë ndodhi mbrëmjen e 30 janarit në një nga kopshtet publike më të famshme në Catania, Villa Bellini e shekullit të tetëmbëdhjetë, në rrugën kryesore të qytetit, e cila ishte ruajtur nga policia për ditë të tëra për festën e shenjt mbrojtës Sant’Agata.
E reja u sulmua teksa ishte duke shëtitur me të dashurin e saj 17-vjeçar. E mitura tha se sulmuesit e tërhoqën zvarrë në banjën publike të Villa Bellini, ku dy djem nga grupi dyshohet se e abuzuan, ndërsa 5 të tjerët e shikonin. E reja përjetoi 30 minuta terror. Ajo u përpoq në çdo mënyrë të mbrohej dhe vazhdimisht thërriste “të lutem, të lutem, mos më lëndo, më lër të shkoj…”.
E mitura arriti të arratisej me të dashurin e saj në rrugën kryesore të Katanias, nëpërmjet Etneas. Disa kalimtarë e kanë ndihmuar dhe kanë lajmëruar policinë. 13-vjeçarja u dërgua në spitalin Cannizzaro dhe u ekzaminua. Analiza e ADN-së arriti të identifikojë lëngun e pështymës dhe spermës në rrobat e 13-vjeçares në më pak se 24 orë, raportojnë mediat italiane.
Sulmuesit e moshës 15-19 vjeç janë arrestuar nga policia. Të shtatë autorët janë shtetas egjiptianët, të cilët mbërritën ilegalisht në Itali vite më parë dhe duke qenë se ishin të gjithë të mitur të pashoqëruar, iu besuan komuniteteve rezidenciale që u kujdesën për studimin e tyre dhe për t’i gjetur punë./ZËRI
