LONDËR – Pas dorëheqjes së Suella Braverman, posti i Sekretarit të Brendshëm të Britanisë së Madhe iu besua James Claverley-t. Ndërsa të mërkurën, Gjykata e Lartë e Britanisë do të japë verdiktin nëse plani i Mbretërisë së Bashkuar për të dërguar emigrantë në Ruandë është i ligjshëm, Cleverley ka komentuar faktin sesi do të veprojë ai në raport me refugjatët.
“Si Sekretar i Jashtëm i Britanisë së Madhe, unë kam punuar me kolegët e mi në Ministrinë e Brendshme dhe jo pak herë kemi goditur emigracionin ilegal. Kemi reduktuar numrin e personave që vijnë në Britani me varka të vogla.
Si Sekretar i Brendshëm unë jam i përkushtuar që të ndaloj varkat e vogla të emigrantëve. Unë jam në këtë detyrë, për të siguruar çdo britanik, që ata të jenë të sigurt dhe se interesi i qytetarëve e ai kombëtar do të jenë prioritet absolut”, tha Claverley.
Suella Braverman është shkarkuar sot nga posti i sekretares së Brendshme, për shkak të komenteve të saj se personat që nuk kanë strehë, e kanë zgjedhur atë mënyrë jetese. Kjo bëri që Sunak ta shkarkojë atë.
Posti i saj iu besua James Cleverly, i cili është zëvendësuar si sekretar i jashtëm nga David Cameron, një ‘lëvizje politike’ që askush nuk mund ta parashikonte.
Ka pasur gjithashtu një sërë dorëheqjesh, duke përfshirë Therese Coffey si sekretare e mjedisit.
Ministrja e Strehimit Rachel Maclean u shkarkua. Ka pasur gjithashtu një dorëheqje të dy ministrave të rinj, duke përfshirë ministrin e shëndetësisë Uill Quince dhe ministrin e arsimit Nick Gibb./Zëri.ai/
