BRUKSEL- Sekretari i Përgjithshëm i NATO-s, Mark Rutte, ka deklaruar se marrëdhëniet mes Aleancës Veriatlantike dhe Shteteve të Bashkuara të Amerikës po forcohen. Në një bisedë telefonike të zhvilluar mes Ruttes dhe presidentit amerikan, Donald Trump, është diskutuar mbi investimet në mbrojtje të NATO që do të vazhdojnë të rriten.
Rutte përmes një postimi në rrjetet sociale ka njoftuar se edhe për Ukrainën, aleatët po përgatisin ndihma miliardëshe.
“SHBA-ja dhe NATO-ja po forcohen. Aleatët e NATO-s po lëvizin shpejt drejt investimit më të madh në mbrojtje. Njoftohen rritje të mëdha dhe të tjera që do të pasojnë. Për Ukrainën, aleatët po përgatisin miliarda të tjera ndihmë + kontribute për garancitë e sigurisë”, ka shkruar Rutte në platformën “X”./ZËRI
